இது பருவங்கண்டு ஆற்றாளாகிய தலைவி பாசறைச் செய்தி கேட்டு வருந்தியது.
  

இப் பத்தும் முல்லையுட் பாலை²
  

“கருங்கால் வேங்கை மாத்தகட் டொள்வீ
யிருங்கல் வியலறை விரிப்பத் தாஅ
நன்மலை நாடன் பிரிந்தென
வொண்ணுதல் பசப்ப தெவன்கொ லன்னாய்.”

(ஐங்குறு 219)
 

இது வரைவிடைவைத்துப் பிரிந்துழித் தலைவி யாற்றாமை கண்டு தோழி கூறியது.
  

இவ்வைங்குறுநூறு குறிஞ்சியுட் பாலை³
  

“எக்கர் ஞாழல் செருந்தியொடு கமழத்
துவலைத் தண்டுளி வீசிப்
பசலை செய்தன பனிபடு துறையே.”

(ஐங்குறு-141)
 

இவ்வைங்குறுநூறு   வரைவிடைவைத்துப்   பிரிந்துழி   ஆற்றுவிக்குந்   தோழிக்குத்   துறை   யின்ப
முடைத்தாகலான் வருத்திற்றெனத் தலைவி கூறியது.
  

இது சுரத்தருமை முதலியனவின்றி நெய்தற்குட் பாலை வந்தது.¹
  

ஏனைய² வந்துழிக் காண்க.
  

முந்நீர்  வழக்கஞ்  சிறுபான்மையாகலின் நெய்தற்கு முடியவாராதாயிற்று. இக்கருத்தானே பிரிவொழுக்கம்
மருதத்திற்கும் நெய்தற்குஞ் சிறுபான்மையாகப் புலனெறி வழக்கஞ் செய்யப்படும்.

2. கார்செய்காலை என்றதால் முல்லையும் பிரிந்தோர் என்பதால் பாலையும் காண்க. ஐங்குறு 451-460
  

3. வேங்கைமலர்  பாறையில் விரியும் மலை நாடன் என்பதால் குறிஞ்சி நிலமும் பிரிந்தென என்பதால்
பாலையொழுக்கமும் பெறப்படும்.
  

1. பனிபடுதுறை,  எக்கர்  என்பனவற்றாலும்  ஞாழல்  செருந்தி  என்னும் கருப்பொருளாலும் நெய்தல்
நிலமும் பசலை செய்தலால் பிரிவுண்மையும் காண்க.
  

2. ஏனைய-ஏனையது எனின் நன்று. அது மருதத்துட் பாலை.