10 பகற்குறி

பகற்குறியின் வகை

151. கூட்டல் கூடல்பாங்கிற் கூட்டல்
வேட்டலென் றொருநால் வகைத்தே பகற்குறி.

(இ - ம்.) பகற்குறியின் வகை உணர்த்துதல் நுதலிற்று.

(இ - ள்.) கூட்டல் முதலாக வேட்டல் ஈறாக நான்குவகையினை உடைத்துப் பகற்குறி என்றவாறு.

(35)

பகற்குறியின் விரி

152. குறியிடங் கூறல் முதலாப்பெறலரும்
விருந்திறை விரும்பல் ஈறாப் பொருந்தப்
பகர்ந்தபன் னிரண்டும் பகற்குறி விரியே.

(இ - ம்.) பகற்குறியின் விரி உணர்த்துதல் நுதலிற்று.

(இ - ள்.) குறியிடங் கூறல் முதலாக விருந்திறை விரும்பல் ஈறாக மேற்பாங்கியிற் கூட்டத்துள் எடுத்தோதப்பட்ட பன்னிரண்டும் பகற்குறி விரியாம் என்றவாறு.

உதாரணம் மேற்காட்டினவெனக் கொள்க.

(36)

153. இரங்கல் வன்புறையிற்செறிப் புணர்த்தலென்
றொருங்கு மூவகைத் தொருசார் பகற்குறி.

(இ - ம்.) ஒருசார் பகற்குறியின் வகைஉணர்த்துதல் நுதலிற்று.

(இ - ள்.) இரங்கலும், வன்புறையும், இச்செறிப்புணர்த்தலும் என மூன்று வகையினை உடைத்து ஒருகூற்றுப் பகற்குறி என்றவாறு.

(37)

ஒருசார் பகற்குறியின் விரி

154. கிழவோன் பிரிந்துழிக் கிழத்தி மாலையம்
பொழுதுகண் டிரங்கலும் பாங்கி புலம்பலும்
தலைவன் நீடத் தலைவி வருந்தலும்
தலைவியைப் பாங்கி கழறலும் தலைவி