ஆறுபார்த் துற்ற அச்சங் கூறற்குச் செய்யுள்:

¹"புராந்தகர் செஞ்சடை வெண்பிறை போனுதற் புள்ளிமிழ்பூங்
குராந்தொடை மென்குழற் கொம்பினை வேண்டிக் கொடி முல்லைநீண்
மராந்தழு வுந்தஞ்சை வாணன்வெற் பாவல்சி தேர்ந்திலஞ்சிக்
கராந்திரி கல்லதர் வாயெல்லி நீவரல் கற்பலவே."

எனவும்,

²"கரைபொரு கான்யாற்றங் கல்லத ரெம்முள்ளி வருதிராயின்
அரையிருள் யாமத் தடுபுலியே றஞ்சி யகன்று போக
நரையுரு மேறுநுங் கைவே லஞ்சு நும்மை
வரையர மங்கையர் வௌவுத லஞ்சுதும் வாரலையே."

எனவும் வரும்.

ஆற்றாத் தன்மை யாற்றக் கூறற்குச் செய்யுள்:

³"கலங்குந் தெளியுங் கனலெழ மூச்செறி யுங்கண்கணீர்
மலங்கும் பொலந்தொடி சோரமெய் சோரு மறஞ்செய்கொலை
விலங்கும் படிறுசெய் யாக்குன்ற நாட விரைந்தளிப்பா
யலங்குங் கடும்பரித் தேர்வாணன் மாறை யணங்கினையே."

என வரும்.

காவன் மிகவுரைத்தற்குச் செய்யுள்:

⁴"நஞ்சா ரரவந் திரிதரு கானடு நாளிரவில்
அஞ்சாது செங்கை யயில்விளக் காவணங் கின்பொருட்டான்
மஞ்சார் மதிற்றஞ்சை வாணன்வெற் பாவரல் வன்சொலன்னை
துஞ்சாள் கடுந்துடிக் கைநகர் காவலர் துஞ்சினுமே."

என வரும்.

காம மிகவுரைத்தற்குச் செய்யுள்:

⁵"தென்னாக வண்டமிழ் வாணன்றென் மாறைச் செருந்தியுடன்
புன்னாக முங்கமழ் பூந்துறை வாசுரர் போற்றமிர்தம்
பின்னாக முன்வந்த பேதைதன் காமப் பெருங்கடற்கு
நின்னாக மன்றியண் டோபுணை யாவது நீந்துதற்கே."

எனவும்.

1. த. கோ. செ : 242.

2. யாப்பருங்கலக்காரிகை, செ : சூ:30. உரை மேற்கோள்.

3. த. கோ. செ : 243.

4. த. கோ. செ : 244.

5. த. கோ. செ : 245.