முயங்கேல் சிறுவற் பயந்தவென் மேனியின் முத்துவடந்
தயங்கே ரகமுழு தும்பழு தாமது தானினக்கே."

எனவும்,

¹"கரும்புநடு பாத்தியிற் கலித்த வாம்பல்
சுரும்புபசி களையும் பெரும்புன லூர
புதல்வனை யீன்றவெம் மேனி
முயங்கன்மோ தெய்யநின் மார்புசிதைப் பதுவே."

எனவும் வரும்.

பாணன் முதலாகப் ²பாங்கன் ஈறாகப் பேணிய வாயில்கள் பெரியோன் விடுத்துழித் தலைமகள் பாணனை மறுத்தற்குச் செய்யுள் :

³"தலையா கியதன்மை யூரற்கு வாணன் றமிழ்த்தஞ்சைசூழ்
மலையா கியமதில் வையைநன் னாட்டெங்கை மான்படுக்குங்
கலையாகு நின்னிசைக் கண்ணிகொண் டேஎதிர் கன்றுதின்னிப்
புலையா கடக்கவெம் மிற்போக போக புறங்கடையே."

எனவும்,

⁴"புலைமக னாதலிற் பொய்ந்நின் வாய்மொழி
நில்லல் பாண செல்லினிப் பரியல்
பகலெஞ் சேரி காணி
னகல்வய லூர னாணவும் பெறுமே."

எனவும் வரும்.

வாயில் மறுக்கப்பட்ட பாணன் கூறற்குச் செய்யுள் :

⁵"நினக்கே தகுநின் னெடும்புன லூரனு நீயுமவன்
தனக்கே தகுவை தமிழ்த்தஞ்சை வாணன் றடங்கிரிசூழ்
புனக்கே கயமன்ன நின்னடி போற்றிப் புகன்றுகன்றும்
எனக்கே தகுமிகை யாலெம்பி ராட்டி யெறிந்தகல்லே."

என வரும்.

தலைமகள் விறலிவாயின் மறுத்தற்குச் செய்யுள் :

⁶"வண்புன லூர்வையை சூழ்தஞ்சை வாணனை வாழ்த்தலர்போற்
கண்புன லூருமென் காதல்கண் டேநின் கடைத்தலைக்கே

1. ஐங்குறு. செ : 65.

2. (பாடம்) பாங்கி ஈறாக.

3. த. கோ. செ : 393.

4. தொல், பொருள், கற்பியல், 9ஆம் சூ. உரை மேற்கோள்.

5. த. கோ. செ : 394.

6. த. கோ. செ : 395.