தலைமகள் விருந்துகண்டொளித்த ஊடல் பள்ளியிடத்து வெளிப்படத் தலைமகன் சீறேல் என்றவள் சீறடிதொழற்குச் செய்யுள் :

¹"தெரியோர் பொருட்டன்று தேர்வின்றி யூடல் செயிர்த்தவர்க்குக்
கரியோர் தெளித்தென்ன காரணங் காட்டுவர் கானுண்டுதேன்
வரியோர் தொடைப்பயன் வாணன்றென் மாறை மலர்த்திருவே
பெரியோர் பொறுப்பரன் றேசிறி யோர்கள் பிழைத்தனவே."

என வரும்.

இஃதெங்கையர் காணின் நன்றன்றென்றற்குச் செய்யுள்:

²"எண்போன நெஞ்சமு நீருமென் பாதமிறைஞ்சுதல் நுங்
கண்போலு மெங்கையர் காணினன் றோகயன் மாதிரத்துத்
திண்போ தகந்தொறுந் தீட்டிய வாணன் செழுந்தஞ்சைசூழ்
வண்போ தளவிய நீர்வையை நாட்டுறை மன்னவரே."

என வரும்.

அங்கவர் யாரையும் அறியேன் என்றற்குச் செய்யுள்:

³"பாவைநீ புலவியி னீடல் பாவியேற்கு
ஆவியொன் றிரண்டுடம் பல்ல தூற்றுநீர்க்
கூவல்வாய் வெண்மணல் குறுகச் செல்லுமே
மேவிப்பூங் கங்கையுள் விழைந்த வன்னமே."

என வரும்.

தலைமகள் காமக்கிழத்தியைக் கண்டமை பகர்தற்குச் செய்யுள் :

⁴"போயே தெருவிற் றனிவிளையாடும் புதல்வற்புல்ல
நீயே திலையல்லை நின்மக னேயிவ னீயுமவன்
தாயே வருகெனச் சேயன்ன வாணன் றமிழ்த்தஞ்சைமான்
ஏயே யெனநிற்ற லானறிந் தேன்தன்னை யங்கையென்றே."

எனவும்,

⁵"நாயுடை முதுநீர்க் கலித்த தாமரைத்
தாதின் அல்லி யயலிதழ் புரையும்
மாசில் அங்கை மணிமருள் அவ்வாய்
நாவொடு நவிலா நகைபடு தீஞ்சொல்

1. த. கோ. செ : 397.

2. த. கோ. செ : 398.

3. சீவகசிந்தா. குணமாலை. செ : 167.

4. த. கோ. செ : 400.

5. அகம். செ : 16.