பொருள் :வற்று  என்னும்  சாரியை,  சுட்டெழுத்தை முதலாகவுடைய
ஐகார ஈற்றுச் சுட்டுப்பெயரின் முன்னர் வகர உயிர்மெய்யுள் வகரமெய்கெட
அதனை ஊர்ந்துநின்ற அகரஉயிர் மட்டும் நிற்றல்   அதற்கு    உளதாகிய
பண்பாம்.
 

எ-டு :அவை + வற்று + ஐ = அவையற்றை   எனவரும்.  இடைவந்த
யகர  ஒற்று   உடம்படுமெய்யாகும்.   உருபிற்கென விதந்து கூறாமையான்,
அவையற்றுக்கோடு, இவையற்றுக்கோடு எனவும் வரும்.
 

னஃகான் றஃகான் நான்க னுருபிற்கு

னகார ஈற்றுச்சாரியைகட்குச் சிறப்பு விதி கூறுகின்றது.
 

பொருள் :னகரஈற்றுச்சாரியை     நான்கினும்   உள்ள  னகர ஒற்று,
நான்கனுருபு வருமிடத்து றகர ஒற்றாகத் திரியும்.
 

எ-டு :ஆவிற்கு, விளவிற்கு, கோஒற்கு, ஒருபாற்கு, அதற்கு எனவரும்.
 

இவ்விதி  னகர ஈற்றுச் சாரியை நான்கற்கும் உரியதாகலின்‘‘அளவாகும்
மொழிமுதல்’’ என்பதன் பின்வையாமல் வற்றுச் சாரியையின் பின்வைத்தார்.
ஆண்டுவைப்பின் இவ்விதி ‘‘இன்’’  சாரியை   ஒன்றற்கே செல்லுமாகலான்
என்க.
 

ஆனின் னகரமும் அதனோ ரற்றே

நாள்முதல் வரூஉம் வன்முதற் றொழிற்கே

ஆன்சாரியை பொருட்புணர்ச்சிக்கண் திரியுமாறு கூறுகின்றது.
 

பொருள் :நாட்பெயராகவரும்  சொல்லிற்கும்  வல்லெழுத்தை முதலாக
உடைய   தொழிற் சொற்களுக்கும் இடையே வரும் ஆன்சாரியையது னகர
ஒற்றும் முற்கூறிய ஆன் சாரியை போல றகரமாகத் திரியும்.
 

எ-டு:பரணியாற்கொண்டான் - ஆதிரையாற்கொண்டான்,   சென்றான்,
தந்தான், போயினான் எனவரும்.
 

இனி, இன்சாரியையினது    னகரஒற்று   வல்லெழுத்து முதலாய பெயர்,
வினைகள் வரின் றகரமாகத்திரியும் என்னும் விதிபற்றிய  சூத்திரம்  இதற்கு
முன்னமைந்திருத்தல்      வேண்டும்.    என்னை?  பனியிற்கொண்டான்,
வளியிற்கொண்டான், பறம்பிற்பாரி,   குறும்பிற்கொற்றன்     என்றாற்போல
இன்சாரியை பயின்று