விரவு பெயர்கள்

நீயீர், நீ என்னுஞ் சொற்களுக்கு மேலும் ஒரு முடிபு

நீயிர் நீ ஒருவரென்பனவற்றை இன்னபாற்பெயரென்றறியலுறின் சொல்லுவான் குறிப்பொடு கூட்டி முறையாலுணர்க ; எ-று.

ஒரு சாத்தன், ஒருவனானும் ஒருத்தியானும் பலரானும் ஒன்றானும் பலவானுந் தன்னுழைச் சென்றவழி, நீ வந்தாய், நீயிர் வந்தீர்' என்னுமன்றே; ஆண்டது கேட்டான் இவ னின்னபால் கருதிக் கூறினான் என்பதுணரும். இனி ஒருவரொருவரைச் சார்ந்தொழுகலாற்றின், என்றவழிச் சொல்லுவானொடு கேட்டான் இவனொருமை குறித்தானென விளங்கும். பிறவுமன்ன.

இனி இடமுங் காலமும் பற்றிப் பால் விளங்கும் வழியும் அறிந்து கொள்க.

ஏகாரம் தேற்றேகாரம்.

முறையினுணர்த்தலென்பது பாதுகாவல்.