ரகர ஈற்று அளபெடைப் பெயர் விளி ஏற்குமாறு | 137. | அளபெடைப் பெயரே அளபெடை யியல. |
ரகார ஈற்றுள் அளபெடைப் பெயர் விளி ஏற்குமாறு
உணர்த்துதல் நுதலிற்று. இ - ள். ரகார ஈற்றுள் அளபெடைப் பெயர்1 மேற்சொல்லப்பட்ட அளபெடைப் பெயரே போல இயல்பாகி விளி யேற்கும், எ - று. எ - டு. மகாஅர், சிறாஅர் என்பன விளிக்கண்ணும் அவ்வாறே வரும். (23) ரகர ஈற்றுள் விளி ஏலாதன | 138. | சுட்டுமுதற் பெயரே முற்கிளந் தன்ன. |
ரகார ஈற்றுள் விளி ஏலாதன உணர்த்துதல் நுதலிற்று. இ - ள்.சுட்டு முதலாகிய ரகரவீற்றுப் பெயர்2 மேற் சொல்லப்பட்ட சுட்டு முதற் பெயர் போல விளி ஏலா, எ - று. எ - டு. அவர், இவர், உவர், அத்தன்மையர், அத்தன்மையார் என்பன விளி ஏலா. (24) இதுவுமது | 129. | நும்மின் திரிபெயர் வினாவின் பெயரென்
றம்முறை இரண்டும் அவற்றியல் பினவே. |
இதுவும் அது இ - ள். நும்மின் திரிபெயராவது நீயிர். வினாவின் பெயராவது வினாவானாகிய பெயர். அது யார், யாவர் என்பது. அம் முறையாகிய இரண்டு பெயரும் விளியேலா எ - று. இவ் வீற்றினுள் முறைப் பெயர் கூறாதது என்னையெனின், அது பொது விதியான் அடங்குதலின் என்க. (25) லகர, ளகர ஈற்றுப் பெயர்கள் விளி ஏற்குமாறு | 140. | எஞ்சிய இரண்டின் இறுதிப் பெயரே
நின்ற ஈற்றயல் நீட்டம் வேண்டும். |
லகார ளகார ஈற்றுப் பெயர் விளி ஏற்குமாறு உணர்த்துதல்
நுதலிற்று. இ - ள். லகார, ளகார ஈற்றுப் பெயர் விளி ஏற்புழி ஈற்றயல் நீட்டம் கொடுத்தல் வேண்டும், எ - று.
1. 121 ஆம் நூற்பா. 2. 133 ஆம் நூற்பா.
|