இ - ள். இலம்பாடு என்னுஞ் சொல்லும், ஒற்கம் என்னுஞ் சொல்லும் வறுமை யென்னுஞ் சொல்லின் பொருள்படும், எ - று.

எ - டு. இலம்படு புலவர் ஏற்றகைந் நிறைய (மலைபடு-576). ஒக்க லொற்கஞ் சொலிய (புறம்-327).

(64)

இ - ள். ஞெமிர்தல் என்னுஞ் சொல்லும், பாய்தல் என்னுஞ் சொல்லும் பரத்தல் என்பதன் பொருள்படும், எ - று.

எ - டு. தருமணல் ஞெமிரிய திருநகர் முற்றத்து (நெடுநல்-90). பாய்புனல்.

(65)

இ - ள். கவர்பு என்னுஞ் சொல் விருப்பு என்பதன் பொருள்படும், எ - று.

எ - டு. கவர் நடைப்புரவி (அகம்-130).

(66)

இ - ள். சேர் என்னுஞ் சொல் திரட்சி யென்பதன் பொருள்படும், எ - று.

எ - டு. சேர்ந்துசெறி குறங்கு (நற்-170).

(67)

இ - ள். வியல் என்னுஞ் சொல் அகலம் என்பதன் பொருள்படும், எ - று.

எ - டு. வியலுலகம்.

(68)

1. ‘கவர்வு’ எனப் பாடம் கொள்வர் ஏனைய உரையாசிரியர்கள்.