என்றவழி’ நொறிலென்பது விரைவின்கண் வந்தது. ‘கவரிமான் கணம் கல்லறை தெவிட்ட’ என்ற வழித், தெவிட்ட என்பது அடையவென்பது குறித்து நின்றது. ‘களிறு வழங்கதர் கானத்தல்கி’¹ என்றவழி. அல்குதல் தங்குதற்கண் வந்தது. ‘நெடும் பெருங் குன்றத் தமன்ற காந்தள்’² என்றவழி, அமல்தல் நெருங்குதற்கண் வந்தது. ‘மலைநாறிய வியன்ஞாலத்து’ (மது-4) என்றவழி, நாற்றம் என்பது தோற்றங் குறித்து நின்றது. ‘நாற்ற நாட்டத் தறுகாற் பறவை’³ என்றவழி, நாடுதல் ஆராய்தற்கண் வந்தது. ‘தணக்குங்காற் கலுழ்பானாக் கண்ணெனவும் உளவன்றோ’ (கலி-25) என்றவழித், தணத்தல் நீக்கங் குறித்து நின்றது. ‘குரலோர்த் தொடுத்த சுகிர்புரி நரம்பின், அரலை திரிவுறீஇய’⁴ என்றவழி; அரலை குற்றங் குறித்தது. ‘மாக்கடல் நிவந்தெழு செஞ்ஞாயிற்றுக்கவினை’ (புறம்-4) என்றவழி நிவப்பென்பது ஓக்கங்குறித்தது. மாகந்திவளடி வருநீள்கொடி மாடவீதி என்றவழி, திவள்தலென்பது தீண்டுதல் குறித்தது இவர்தலென்பது பரத்தல் குறித்தது. ‘வாயாச் செத்தோய் என வாங்கே யெடுத்தனன்’ என்றவழிச் செத்தென்பது குறிப்புணர்த்திற்று. பிறவுமன்ன.

(100)

________

1. பொரு-49.

2. அகம்-4.

3. புறம்-70.

4. மலைபடு-23-24.