இ - ள். சினையு முதலுமாகிய பொருளுணர்த்துஞ் சொற்குப் செப்பின்கண்ணும் வினாவின்கண்ணும் உறழப்படும் பொருள் அப்பொருளாகும், எ - று.

துணை யென்பது இணை, முதலென்றதனாற் பண்புந் தொழிலுங் காலமு மிடனும் பொருளுங்கொள்க. சினைபற்றி யுறழ்தல் பெரும் பான்மையாகலான் முற்கூறப்பட்டது. அப்பொருளென்றது அவ்வப்பொருட்கு அவ்வப்பொருளே யுறழப்படுவது, எ - று.

அவை யொருபொருட்கண்ணும் பிறபொருட்கண்ணும் ஒத்தன கொள்ளப்படும்.

அவை வினாவின்கண் வருமாறு -- வலமுலையோ இடமுலையோ பெரிதெனத்தன்பொருட்கண் வந்தது. இவள் முலையோ அவள் முலையோ பெரிதெனப் பிறபொருட்கண் வந்தது. இவை சினை. இந்நிறமோ அந்நிறமோ நல்லது: இது பண்பு. இந்நடையோ அந்நடையோ நல்லது: இது தொழில். ¹இன்றோ நாளையோ வாழ்வு: இது காலம், இந்நிலமோ அந்நிலமோ விளைவது: இஃது இடம். இவளோ அவளோ கற்புடையாள்: இது பொருள்.

இனிச் செப்பு வருமாறு:-- இம்முலையின் அம்முலை பெரிதென்றானும், ஒக்கு மென்றானும் வரும். பிறவு மன்ன.

இனி அப் பொருளல்லாப் பிறிது பொருளோடு உறழ்தல் வருகின்ற சூத்திரத்தான் அமைக்கப்படும்.

(16)

மேற்சொல்லப்பட்ட உறழ்பொருட்கண் வரும் வழுவமைத்தல்
நுதலிற்று.

(இ - ள்.) சினை முதலாகிய பொருள்களை அவ்வப்பொருளோடு உறழ்தலே யன்றித் தகுதியையும் வழக்கினையுந் தழுவினவாய் நடக்கும் ஒரு கூற்றுச்சொல் விலக்கும் நிலைமையில, எ-று.

சினைமுதற்கிளவியும், உறழ்பொருளும் அதிகாரத்தான் வந்தன.

தகுதியாவது இதற்கிது தகுமோவெனப் பண்பினானாதல் தொழிலினாதல் உறழநிற்பது, வழக்காவது ஒப்புமையின்றி உலகத்தார் பயில வழங்கப்படுவது.

அவற்றுள் தகுதிபற்றி வந்த வினா:-- இந்நங்கை கண் நல்லவோ இக்கயல் நல்லவோ என வருவது: இது பண்பு. இம்முகிலோ இவன் கையோ கொடுக்க வல்லது: இது தொழில்.

1. நெருநலோ இன்றோ நல்லது: இது காலம். (இ. ஏ.)