அன்ன பிறவும் என்றதனால், இசையைப் பாடும், பகைவரைப் பணிக்கும் எனவும், குழையையுடையவன், வலியையுடையன், கல்வியையுடையன், காவலையுடையன் எனவும் ஆறாம் வேற்றுமைப் பொருள் மொழிமாற்றாகி வருவனவும் கொள்க. பிறவும் அன்ன.

அம்முதற் பொருள என்ன கிளவியும் என்றதனால், செயப்படு பொருளே யன்றி ¹அதற்குக் காரணமாகிய பொருள் மேலும் பொருளினது உறுப்பின்மேலும் வருவனவும் கொள்க. மண்ணை வனைந்தான், நூலைநெய்தான், இவை காரணம்.விளிம்பை நெய்தான்--உறுப்பு. சுவரை யெழுதினான்--இடம். பிறவும் அன்ன.

(10)

மூன்றாம் வேற்றுமை

மூன்றாம் வேற்றுமையாமாறு உணர்த்துதல் நுதலிற்று.

இ - ள். மூன்றாம் வேற்றுமையாவது ஒடுவெனப் பெயர் பெற்ற வேற்றுமைச்சொல். அது வினைமுதலுங் கருவியுமாகிய அவ்விரண்டு காரகத்தையும் உடைத்து, எ-று.

ஈண்டு, முதல் என்பது காரகம், கருத்தாவின் கண்ணும், கருவியின் கண்ணும் வரும், எ-று. கொடியொடு தொடக்குண்டான், இது வினைமுதல், “ஊசியொடு குயின்ற தூசும் பட்டும்”--இது கருவி.

(11)

மூன்றாவதன் பொருள் பற்றிய பாகுபாடுகள்

இதுவும் மூன்றாம் வேற்றுமைக்குரியதோர் இலக்கணம்
உணர்த்துதல் நுதலிற்று.

இ - ள். அதனினியறன் முதலாக ஒப்பல் ஒப்புரை ஈறாக எடுத்தோதப்பட்ட சொல்லினான் வரும் பொருண்மையும். இன்

1. ‘பொருளினது உறுப்பின் மேலும், பொருள் நிகழும் இடத்தின் மேலும் வருவன கொள்க’ என்பதும் பாடம்.

2. இதனையும் அடுத்த நூற்பாவையும் ஒரே நூற்பாவாகக் கொள்வர் இளம்பூரணர்.