என்புழி ஓடு வந்தது.

ஆன் வந்தவழி யெல்லாம் ஆல் வருதல் வழக்கினிற் கண்டு கொள்க.

(12)

நான்காம் வேற்றுமை

இ - ள். நான்காம் வேற்றுமையாவது கு எனப் பெயர்பெற்ற வேற்றுமைச்சொல். அது யாதானுமொரு பொருளாயினும் ஏற்று நிற்கும் நிலைமைத்து. எனவே, ஏற்கும் பொருண்மைக்கண் வரும், எ - று.

அந்தணர்க்குக் கொடுத்தான் எனவரும்.

(13)

நான்காவதன் பொருள்பற்றி வரும் வேறுபாடு

இதுவும் நான்காம் வேற்றுமைக்கண் வரும் பொருள் வேறுபாடு
உணர்த்துதல் நுதலிற்று.

இ - ள். அதற்கு வினையுடைமை முதலாகச் சிறப்பீறாகச் சொல்லப்பட்டவற்றின்கண் அப்பொருள்பட வருஞ் சொல்லும், உம்மையால் அந்நிகரன பிறபொருட்கண் வருஞ் சொல்லும் நான்காம் வேற்றுமைப்பாலன, எ - று. உம்மை எச்சவும்மை.

அதற்கு வினையுடைமையின் என்பது மேற்சொல்லப்பட்ட கொடைப் பொருண்மையே யன்றி உருபேற்கும் பொருட்கு வினையாதலுடைமை கூறும் வழியும் நான்காம் வேற்றுமைப் பாலனவாம், எ - று.

எ - டு. அவர்க்குப் போக்குண்டு, அவர்க்கு வரவுண்டு, இவை வினை. கரும்பிற்குழுதான் என்பதுமது.

1. இதனையும் அடுத்த நூற்பாவையும் ஒரே நூற்பாவாகக் கொள்வர் இளம்பூரணர்.