இயற்சொல் திரிசொல் திசைச்சொல் வடசொலென்று

அனைத்தே செய்யுள் ஈட்டச் சொல்லே

க-து:

உரை:செய்யுளீட்டத்திற்குரிய     சொல்    இயற்சொல்   திரிசொல்,
திசைச் சொல், வடசொல் எனப்படும் அவ்வளவிற்றேயாம். 'சொல்' என்றது
இன (சாதி) ஒருமை. அதனான் அனைத்தே என்றார்.
 

அவற்றுள்

இயற்சொற் றாமே

செந்தமிழ் நிலத்து வழக்கொடு சிவணித் 

தம்பொருள் வழாமை இசைக்கும் சொல்லே 

க-து:

பொருள் : மேற்கூறிய   செய்யுட்சொல்    நான்கனுள்    இயற்சொல்
எனப்பட்டவைதாம்   செந்தமிழ்   நிலத்து   மக்கள் வழங்கும் வழக்கொடு
பொருந்தி  ஏனைய   நிலத்தும்   தம்பொருள்   திரியாமல்   உணர்த்தும்
சொல்லாகும்.
 

பிறசொற்   கொணர்ந்து   பொருளுணர்த்த வேண்டாது கற்றோர்க்கும்
மற்றோர்க்கும்   ஒப்ப   இயல்பாகப்   பொருள்     விளங்க   நிற்றலின்
"இயற்சொல்" எனப்பட்டது   (நிலம் - ஆகுபெயர்)  தம்பொருள் வழாமை
என்றது, திரிபின்றி யாண்டும் ஒருபொருளே உணர்த்தி நிற்றலையாம்.
 

இனிப்    பாயிரத்துள்   செந்தமிழியற்கை   சிவணிய   நிலம் என்றது
செய்யுளிலக்கியத்தையும் ஈண்டுச் செந்தமிழ் நிலம் என்றது   நாட்டினையும்
குறிக்குமாறென்னை எனின்?  பாயிரத்துள்   "செந்தமிழியற்கை   சிவணிய
நிலத்தொடு முந்துநூல் கண்டு "என்புழி