இனி,  அன்னபிறவும் என்றதனால் ஊரிற்சேயன் என்புழி, ஊர்க்குச்
சேயன்     என்றாயிற்று.    காட்டிற்கணியன்    என்பதும்    அது.
இவையெல்லாம் உருபும் பொருளும் உடன் மயங்கின   எனக்கொள்க.

மற்று    இம் மயக்கம் ‘அன்ன பிறவும்’ என்புழி அதிகாரத்தானே
அடங்காதோ   எனின்,   அஃது   ஒன்றனோடு   ஒன்று  பரிமாறும்
அதிகாரத்தது;   இஃது   ஒன்று   பலவற்றோடு  சென்று  மயங்ககும்
அதிகாரத்தது; ஆகலின் அதனுள் அடங்காது என்ப.           (27)

மற்றையுருபுகளும் தம்முள் மயங்குமெனல்
 

113.

என் -   எனின், நான்காவ    தொழித்து   ஒழிந்த   வேற்றுமை
மயங்குமாறு உணர்த்துதல் நுதலிற்று.

(இ - ள்.) நான்காவது   ஒழிந்த  உருபுகள் ஐந்தும்,  நான்காவது
போலப்  பல வேற்றுமைப் பொருட்கண்ணும் சென்று மயங்குமிடத்துக்
குற்றம் இல்லை.  அவ்வாறு   சொல்லிவரும்   வழக்குமுறைமைக்கண்,
(எ -று.)

வழக்கினுளவேல் கண்டுகொள்க என்பன  காணமையின்  காட்டா
மரபினவாம்.                                          (28)

வினைச் சொல்லிலக்கணம்
 

114.

என் - எனின், வினைச்சொல்லிலக்கணம் உணர்த்தல் நுதலிற்று.

(இ - ள்.)   தொழிலினையும்,  தொழில்     நிகழ்த்தும்  கருத்தா
வினையும்,  அவனால் செய்யப்படு பொருளினையும், அவன்  தொழில்
நிகழ்த்தற்கு இடமாகிய நிலத்தினையும், அதற்கு இனமாகிய

1 மானம்  -  குற்றம்  என்றே  உரை  கொண்டனர் அனைவரும்.
ஆனால், ‘ஆனம்’ என்ற சொல்லிற்கே குற்றம் என்ற பொருள் உண்டு
என்றும்,  எனவே  மானம் என்பது ‘ஆனம்’ என்றிருத்தல் வேண்டும்
என்றும் கூறுவர் திரு.பி.சா.சு.அவர்கள்.