இனி  ஆக்கம் - நெடியனும்   வலியனுமாயினான்  என்பது. இஃது
எண்ணன்றோவெனின்,      ஒருபொருடன்னையே      சொல்லுதலின்
அன்றாயிற்றுப் போலும்.

மற்றும் இதனகத்து விகற்பமெல்லாம் அறிந்து கொள்க.         (7)

‘ஓ’ என்னும் இடைச்சொல்லின் பொருள்
 

என் - எனின், இதுவும் அது.

(இ - ள்.)    பிரிநிலைப்பொருண்மை,        வினாப்பொருண்மை,
எதிர்மறைப்பொருண்மை,    ஒழியிசைப்   பொருண்மை,   தெரிநிலைப்
பொருண்மை  என  இவற்றைச்  சிறப்புப் பொருண்மையோடு தொகுத்து
ஆறு என்று சொல்லுப ஆசிரியர் ஓகாரத்துப் பொருண்மை, (எ - று.)

(எ - டு.)  பிரிநிலை  -  அவனோ  கொண்டான்  என்பது.  இஃது
இப்போது வினாவாய் நடக்கின்றதென உணர்க.

இனி வினா - அவனோ அல்லனோ,
இனி எதிர்மறை - யானோகொள்வேன் என்பது.
இனி ஒழியிசை - கொளலோ கொண்டான் என்பது.
இனித் தெரிநிலை - நன்றோவன்று தீதோவன்று என்பது.
இனிச் சிறப்பு - ஓபெரிது என்பது.                         (8)

‘ஏ’ என்னும் இடைச்சொல்லின் பொருள்
 

தேற்றம் வினாவே பிரிநிலை எண்ணே
ஈற்றசை யிவ்வைத் தேகா ரம்மே.
 

என்   -   எனின்,  இது   பெரும்பான்மை   பொருள்  படுமாறும்
சிறுபான்மை யசைநிலையாமாறும் உணர்த்துதல் நுதலிற்று.

(இ - ள்)  தேற்றப் பொருண்மை,  வினாப்பொருண்மை, பிரிநிலைப்
பொருண்மை,    எண்ணுப்    பொருண்மை,   ஈற்றசையாதல்     என
இவ்வகைந்து வகைப்படும் ஏகாரம், (எ - று.)

(எ - டு.)  தேற்றம் - அவனே கொண்டான்.