ஆ.மொ.

இல.

Of  them  ‘ikum’  and  ‘sin’ have the suitability  of  joining other
persons also - the scholars say.

ஆல்.

Scholars tell us  that among these /ikum/ and / sin/ may appear
rightly with the other persons also. 

பி.இ. நூ.

முத்து. ஒ. 22.

இகும் சினும் ஏனையிடத்தொடும் சிவணும்.

இளம்.

வ-று : இகும்  தன்மைக்கண்   வருமாறு:  ‘கண்டிகும்  அல்லமோ
கொண்க’ (ஐங்குறு. 121) எனவரும்.
 

படர்க்கை: ‘புகழ்ந்திகு மல்லரோ பெரிதே’ எனவரும்.

சின்   தன்மைக்கண் வருமாறு: ‘கண்ணும் படுமோ என்றிசின்யானே’
(நற். 61) என வரும். படர்க்கைக்கண்  வருமாறு; ‘யாரஃதறிந்திசினோரே’
(குறுந்.18 ) என வரும்.

சேனா.

இ-ள் ; மேற்கூறப்பட்ட  ஆறனுள்  இகுமும்  சின்னும் படர்க்கைச்
சொல்லோடுந்  தன்மைச்  சொல்லோடும் பொருந்து நிலையுடையவென
எய்தியதன்மேற் சிறப்புவிதி வகுத்தவாறு.

உ-ம் ; ‘கண்டிகுமல்லமோ’ (ஐங். 121) எனவும்,  ‘கண்ணும்படுமோ
என்றிசின்யானே’   (நற்.61) எனவும் தன்மைக்கண் வந்தன. ‘புகழ்ந்திகு
மல்லரோ பெரிதே’ எனவும் ‘யாரஃதறிந்திசினோரே’ (குறுந்.18) எனவும்
படர்க்கைக்கண் வந்தன.

தெய்.

எய்தியதன் மேற் சிறப்புவிதி வகுத்தலை உணர்த்துதல் நுதலிற்று. 

இ-ள் : மேற்  சொல்லப்பட்டவற்றுள்   இகுமும்   சின்னும்
தன்மையினும்  படர்க்கையினும்  வருதல்  தகுநிலையுடைய  வென்று
சொல்லுவர், எ-று.