எனும்  இப்பொருளில்   வழங்குதற்கு    ‘இனிமற்றொன்றுரை’   என
உதாரணங் காட்டினர் நச்சினார்க்கினியர்.

ஆதி.

உ-ம் :

ஆக்கல் மற்று அளித்தல் எல்லாம்  அவன்  செயல்-வினை மாற்று.
நின்றவன் மற்றுஎன்னை நோக்கினன் - அசைநிலை.

சிவ.

மற்று     என்பது, ‘நீயிது   செய்யவில்லையென்றால்  மற்று  யார்
செய்தார்?’  என்னுமிடத்துப்  பிறர் என்னும்  பொருள் தருகிறது. ‘இனி
மற்றொன்று   சொல்’   என்னுமிடத்துப்   பிறிது  என்னும்   பொருள்
தருகிறது.   எனவே  மற்று  என்பது  உயர்திணை    அஃறிணையைத்
தழுவிய    நிலையில்    பொதுவாகப்    ‘பிறர்,   ‘பிறிது’   என்னும்
பொருள்களிலும் வரும் என்னலாம்.

எற்று
 

258.

எற்றென் கிளவி யிறந்த பொருட்டே.             (15)

(எற்று என் கிளவி இறந்த பொருட்டு ஏ)
 

ஆ.மொ :

இல.

The morpheme ‘eŗŗu’ denotes that which is past.

ஆல்.

/eŗŗu/ occurs to express the sense of loss.

பி.இ.நூ.

இல.வி. 267.

எற்றென் கிளவி யிறந்த பொருட்டே.

முத்து. ஒ. 11.

எற்றென் கிளவி யிறந்த பொருட்டே.

இளம்.

இச்சூத்திரம்  என்னுதலிற்றோவெனின்,  இதுவும்  தத்தம்  குறிப்பிற்
பொருள் செய்குவனவற்றின்மேல் உணர்த்துதல் நூதலிற்று.

உரை ; எற்று என்பது இறந்த பொருள் விளக்கி நிற்கும், எ-று.