தொடக்கம்
குற்றுகர எண்ணுப் புணர்ச்சி
 
434. ஒன்று முதல் ஆக எட்டன் இறுதி
எல்லா எண்ணும் பத்தன் முன் வரின்,
குற்றியலுகரம் மெய்யொடும் கெடுமே;
முற்ற இன் வரூஉம், இரண்டு அலங்கடையே		 உரை
   
435. 'பத்தன் ஒற்றுக் கெட, னகாரம் இரட்டல்
ஒத்தது' என்ப-'இரண்டு வரு காலை'		 உரை
   
436. ஆயிரம் வரினும், ஆயியல் திரியாது உரை
   
437. நிறையும் அளவும் வரூஉம் காலையும்,
குறையாது ஆகும், 'இன்' என் சாரியை		 உரை
   
438. 'ஒன்று முதல் ஒன்பான் இறுதி முன்னர்,
நின்ற பத்தன் ஒற்றுக் கெட, ஆய்தம்
வந்து இடை நிலையும் இயற்கைத்து' என்ப;
கூறிய இயற்கை குற்றியலுகரம்,
ஆறன் இறுதி அல் வழியான		 உரை
   
439. முதல் ஈர் எண்ணின் ஒற்று ரகரம் ஆகும்;
உகரம் வருதல் ஆவயினான		 உரை
   
440. இடை நிலை ரகரம், 'இரண்டு' என் எண்ணிற்கு,
நடை மருங்கு இன்றே, பொருள்வயினான.		 உரை
   
441. மூன்றும் ஆறும் நெடு முதல் குறுகும்
மூன்றன் ஒற்றே பகாரம் ஆகும்		 உரை
   
442. நான்கன் ஒற்றே றகாரம் ஆகும் உரை
   
443. ஐந்தன் ஒற்றே மகாரம் ஆகும் உரை
   
444. எட்டன் ஒற்றே ணகாரம் ஆகும் உரை
   
445. ஒன்பான் ஒகரமிசைத் தகரம் ஒற்றும்;
முந்தை ஒற்றே ணகாரம் இரட்டும்;
பஃது என் கிளவி ஆய்த பகரம் கெட,
நிற்றல் வேண்டும், ஊகாரக் கிளவி;
ஒற்றிய தகரம் றகரம் ஆகும்		 உரை
   
446. அளந்து அறி கிளவியும், நிறையின் கிளவியும்,
கிளந்த இயல, தோன்றும் காலை		 உரை
   
447. மூன்றன் ஒற்றே வந்தது ஒக்கும் உரை
   
448. ஐந்தன் ஒற்றே மெல்லெழுத்து ஆகும் உரை
   
449. க, ச, த, ப, முதல் மொழி வரூஉம் காலை உரை
   
450. ந, ம, வ, என்னும் மூன்றொடு சிவணி
அகரம் வரினும், எட்டன் முன் இயல்பே.		 உரை
   
451. ஐந்தும் மூன்றும் ந, ம, வரு காலை,
வந்தது ஒக்கும் ஒற்று இயல் நிலையே		 உரை
   
452. மூன்றன் ஒற்றே வகாரம் வரு வழி,
தோன்றிய வகாரத்து உரு ஆகும்மே		 உரை
   
453. நான்கன் ஒற்றே லகாரம் ஆகும் உரை
   
454. ஐந்தன் ஒற்றே முந்தையது கெடுமே உரை
   
455. 'முதல் ஈர் எண்ணின் முன் உயிர் வரு காலை,
தவல்' என மொழிப-'உகரக் கிளவி'
முதல் நிலை நீடல், ஆவயினான		 உரை
   
456. மூன்றும், நான்கும், 'ஐந்து' என் கிளவியும்,
தோன்றிய வகரத்து இயற்கை ஆகும்		 உரை
   
457. மூன்றன் முதல் நிலை நீடலும் உரித்தே-
'உழக்கு' என் கிளவி வழக்கத்தான		 உரை
   
458. 'ஆறு' என் கிளவி முதல் நீடும்மே உரை
   
459. ஒன்பான் இறுதி உருபு நிலை திரியாது
இன் பெறல் வேண்டும் சாரியை மொழியே		 உரை
   
460. நூறு முன் வரினும், கூறிய இயல்பே. உரை
   
461. மூன்றன் ஒற்றே நகாரம் ஆகும் உரை
   
462. நான்கும் ஐந்தும் ஒற்று மெய் திரியா உரை
   
463. ஒன்பான் முதல் நிலை முந்து கிளந்தற்றேன;
முந்தை ஒற்றே காரம் இரட்டும்;
நூறு என் கிளவி நகாரம் மெய் கெட,
ஊ ஆ ஆகும் இயற்கைத்து என்ப;
ஆயிடை வருதல் இகார ரகாரம்;
ஈறு மெய் கெடுத்து மகாரம் ஒற்றும்		 உரை
   
464. ஆயிரக் கிளவி வரூஉம் காலை,
முதல் ஈர் எண்ணின் உகரம் கெடுமே		 உரை
   
465. முதல் நிலை நீடினும் மானம் இல்லை உரை
   
466. மூன்றன் ஒற்றே வகாரம் ஆகும் உரை
   
467. நான்கன் ஒற்றே லகாரம் ஆகும் உரை
   
468. ஐந்தன் ஒற்றே யகாரம் ஆகும் உரை
   
469. ஆறன் மருங்கின் குற்றியலுகரம்
ஈறு மெய் ஒழியக் கெடுதல் வேண்டும்		 உரை
   
470. ஒன்பான் இறுதி உருபு நிலை திரியாது,
இன் பெறல் வேண்டும், சாரியை மரபே.		 உரை
   
471. நூறாயிரம் முன் வரூஉம் காலை,
நூறன் இயற்கை முதல்-நிலைக்கிளவி.		 உரை
   
472. 'நூறு' என் கிளவி ஒன்று முதல் ஒன்பாற்கு
ஈறு சினை ஒழிய, இன ஒற்று மிகுமே		 உரை
   
473. அவை ஊர் பத்தினும் அத் தொழிற்று ஆகும் உரை
   
474. 'அளவும் நிறையும் ஆயியல் திரியா;
குற்றியலுகரமும் வல்லெழுத்து இயற்கையும்,
முன் கிளந்தன்ன' என்மனார் புலவர்		 உரை
   
475. ஒன்று முதல் ஆகிய பத்து ஊர் கிளவி
ஒன்று முதல் ஒன்பாற்கு ஒற்று இடை மிகுமே;
நின்ற ஆய்தம் கெடுதல் வேண்டும்		 உரை
   
476. ஆயிரம் வரினே, இன் ஆம், சாரியை;
ஆவயின் ஒற்று இடை மிகுதல் இல்லை		 உரை
   
477. அளவும் நிறையும் ஆயியல் திரியா உரை
   
478. முதல் நிலை எண்ணின் முன் வல்லெழுத்து வரினும்,
ஞ, ந, ம-த் தோன்றினும், ய, வ, வந்து இயையினும்,
முதல் நிலை இயற்கை என்மனார் புலவர்		 உரை
   
479. அதன் நிலை, உயிர்க்கும் யா வரு காலை,
முதல் நிலை ஒகரம் ஓ ஆகும்மே;
ரகரத்து உகரம் துவரக் கெடுமே		 உரை
   
480. இரண்டு முதல் ஒன்பான் இறுதி முன்னர்,
வழங்கு இயல் 'மா' என் கிளவி தோன்றின்,
மகர அளவொடு நிகரலும் உரித்தே.		 உரை