தொடக்கம்
எச்சச் சொற்களின் வகை
430.	பிரிநிலை வினையே, பெயரே, ஒழியிசை, எதிர்மறை, உம்மை, எனவே, சொல்லே, குறிப்பே, இசையே, ஆயீர்-ஐந்தும் நெறிப்படத் தோன்றும் எஞ்சு பொருட் கிளவி.	உரை
431.	அவற்றுள், பிரிநிலை எச்சம் பிரிநிலை முடிபின	உரை
432.	வினை எஞ்சு கிளவிக்கு வினையும் குறிப்பும் நினையத் தோன்றிய முடிபு ஆகும்மே; ஆவயின் குறிப்பே ஆக்கமொடு வருமே.	உரை
433.	பெயர் எஞ்சு கிளவி பெயரொடு முடிமே.	உரை
434.	ஒழியிசை எச்சம் ஒழியிசை முடிபின.	உரை
435.	எதிர்மறை எச்சம் எதிர்மறை முடிபின.	உரை
436.	உம்மை எச்சம் இரு வீற்றானும் தன்வினை ஒன்றிய முடிபு ஆகும்மே.	உரை
437.	தன்மேல் செஞ்சொல் வரூஉம் காலை, நிகழும் காலமொடு வாராக் காலமும், இறந்த காலமொடு வாராக் காலமும், மயங்குதல் வரையார் முறைநிலையான.	உரை
438.	'என' என் எச்சம் வினையொடு முடிமே.	உரை
439.	'எஞ்சிய மூன்றும் மேல் வந்து முடிக்கும் எஞ்சு பொருட் கிளவி இல' என மொழிப.	உரை
440.	அவைதாம், தம்தம் குறிப்பின் எச்சம் செப்பும்.	உரை
441.	'சொல்' என் எச்சம், முன்னும் பின்னும், சொல் அளவு அல்லது எஞ்சுதல் இன்றே.	உரை