ஆகித்தோன்றும்  பாங்கோர்  பாங்கினும்  என்பது, தனக்குப் பாங்காகித் தோன்றுவார் பக்கத்துப்பிரியும்
வழியும் அவற்குக் கூற்று நிகழும் என்றவாறு. அதுவும்⁸ வேந்தற்கு உற்றுழிப் பிரியும் பிரிவு.
  

மூன்றன்  பகுதியாவன,  நால்வகை   வலியினும்⁹ தன் வலியும் துணை வலியும்  வினைவலியும் என்பன.
அவை¹⁰ பகைவர் மாட்டு உள்ளன.
  

மண்டிலத்து அருமையாவது, பகைவர் மண்டிலங்¹¹ கொண்ட அருமை என்றவாறு.
  

தோன்றல் சான்ற என்பது (இவை) மிகுதல் சான்ற என்றவாறு.
  

மாற்றோர் மேன்மையாவது, மாற்றோரது உயர்ச்சியானும் என்றவாறு. ஆறன் உருபு எஞ்சி நின்றது.¹²
  

மூன்றன் பகுதியானும் மண்டிலத் தருமையானும் தோன்றல் சான்ற மாற்றோர் எனக் கூட்டுக.
  

பாசறைப் புலம்பல் என்பது, பாசறைகண் தலைமகன் தனிமை யுரைத்தல்¹³ என்றவாறு.  

8 அது என்றிருத்தல் வேண்டும் அதுவும் பிரிவு எனின் ஆம்.
  

9 தன்வலி, துணைவலி, வினைவலி, மாற்றான்வலி (குறள்-471)நச், உரை, பாரதியார் உரைபார்க்க.
  

10 தன்வலி, துணைவலி, வினைவலி
  

11 தமக்குப் பகைவரின் நாடு.
  

12 பிறவுருபுகளும் விரிக்கப்படும் நிலையில் இருத்தலின் ஆறன் உருபு எஞ்சிநின்றது என்றார்.
  

13 தனிமையுற்றதைத் தலைவன் தானே கூறுதல்.