(இ-ள்) முதல்  எனப்படுவது  நிலம்  பொழுது  இரண்டின்  இயல்பு - முதல்  என்று  சொல்லப்படுவது
நிலமும்  காலமும்  ஆகிய   அவ்விரண்டினது   இயற்கை,  என மொழிப  இயல்பு உணர்ந்தோர் - என்று
சொல்லுவர் உலகின் இயல்பு உணர்ந்தோர்,
  

இயற்கை  என்பதனால்  செய்து  கோடல்  பெறாமை  அறிந்து  கொள்க.  நிலம் என்பதனால் பொருள்
தோற்றுதற்கு இடமாகிய ஐம்பெரும் பூதமும் கொள்க.
  

நச்சினார்க்கினியர்
  

4. முதலெனப் ..................................... தோரே.
  

இது  நிறுத்த   முறையானே¹  முதல்   உணர்த்துவான்  அதன்  பகுதியும்  அவற்றுட் சிறப்புடையனவும்
இல்லனவுங் கூறுகின்றது.
  

இதன் பொருள்:- முதல்  எனப்படுவது  -  முதலென்று  சிறப்பித்துக்  கூறப்படுவது,  நிலம்   பொழுது
இரண்டின்  இயல்பு  என  மொழிப  -  நிலனும்  பொழுதும்   என்னும்   இரண்டினது  இயற்கை  நிலனும்
இயற்கைப்  பொழுதுமென்று  கூறுப,  இயல்பு  உணர்ந்தோரே -  இடமுங்  காலமும்  இயல்பாக  உணர்ந்த
ஆசிரியர் என்றவாறு.
  

இயற்கையெனவே     செயற்கை  நிலனுஞ்  செயற்கைப்  பொழுதும்  உளவாயிற்று.  மேற் ‘பாத்திய’ (2)
நான்கு  நிலனும் பொழுதும் முன்னர்  அறியப்படும்.² முதல்  இயற்கைய வென்ற   தனாற்  கருப்பொருளும்
உரிப்பொருளும் இயற்கையுஞ் செயற்
  

1. முன் சூத்திரத்து முதல் கரு உரிப் பொருள் என வரிசைப் படுத்திய முறை.

2. சூ. 12-15.