(இ-ள்)     ஏறிய  மடற்றிறம்  -  மடன்மா  கூறுதலன்றி  மடலேறுதலும்  இளமை தீர்திறம்-தலைவற்கு
இளையனாகாது   ஒத்த  பருவத்தாளாதலும்¹   தேறுதல்   ஒழிந்த காமத்து  மிகுதிறம் - இருபத்துநான்காம்
மெய்ப்பாட்டில்  நிகழ்ந்து ஏழாம் அவதி  முதலாக வரும்  அறிவழிகுணன்  உடையளாதலும்; மிக்க காமத்து
மிடலொடு   தொகைஇ - காமமிகுதியானே  எதிர்ப்பட்டுழி  வலிதிற் புணர்ந்த இன்பத்தோடே கூட்டப்பட்டு;
(செப்பிய      நான்கும்-உரை)      கந்தருவத்துட்பட்டு     வழீஇயிற்றாகச்²    செப்பிய    இந்நான்கும்;
பெருந்திணைக்குறிப்பே பெருந்திணைக் கருத்து என்றவாறு
 

மடன்மா   கூறுதல்   கைக்கிளையாம்  மடற்றிறமென்றதனான் அதன் திறமாகிய வரைபாய்தலுங் கொள்க.
இளமைதீர்திறம்  என்றதானாற்றலைவன்    முதிர்ச்சியும்,   இருவரும்    முதிர்ந்த  பருவத்துந் துறவின்பாற்
சேறலின்றிக் காமநுகர்தலுங் கொள்க. காமத்து மிகுதிறம் என்றதனாற் சிறிது தேறப்படுதலுங் கொள்க.
 

இவை     கந்தருவத்துட்டாஅ⁴  வழீஇயின.  இவற்றுள்    ஏறிய  மடற்றிறமுங்   காமத்து  மிகுதிறமும்
புணர்ச்சிப்பின்  நிகழ்வனவாம்,³ இது, “மடன்மா கூறுமிடனுமாருண்டே’  (தொல்-பொ-கள-11)  என்பதனால்
ஏறுவலெனக் கூறிவிடாதே ஏறுதலாம்.
 

சான்றவிர் வாழியோ சான்றவி ரென்றும்
பிறர்நோயுந் தந்நோய்போற் போற்றி யறனறிதல்
 

1 ஒத்த பருவத்தளாதல் என்றாலும் காட்டிய உதாரணம் மிக்க பருவத்தளானமைக்கே உண்டு.

2 கந்தருவத்துட்பட்டு வழுவுதல்-ஒத்த அன்பினராய் ஒழுகிப்பின் வேறுபடுதல்

3 காமத்து  மிகுதிறம்  இயற்கைப்  புணர்ச்சிக்கு    முன்    நிகழ்வது  என்பதும்  மிக்க  காமத்துமிடல்
திடீரெனக் காம மிகுதியால் எதிர்ப்பட்ட அளவில் புணர்வது ஆதலின் முற்புணர்ச்சியில்லாதது என்பதும்
இவர் கருத்துப் போலும். இளம்பூரணர் யாவுமே புணர்ச்சிப் பின்னர் நிகழ்வன என்றார்.

4 கந்தருவத்துட்படாஅ=கந்தருவத்துட்பட்டு.