முத்து. அக.18
  

எற்பாடுநெய்தக் குரிய தாகும்.
  

இளம்பூரணர்
  

9. வைகறை .................. மருதம்.
  

இது மருதத் திணைக்குக் காலம் உணர்த்துதல் நுதலிற்று.
  

(இ-ள்) வைகறை விடியல் மருதம்-வைகறையும் விடியலும் மருதத்திற்குக் காலமாம்.
  

வைகறையாவது    இராப்பொழுதின்   பிற்கூறு.  விடியலாகும்   பகற்பொழுதின்   முற்கூறு.   பருவம்
வரைந்தோதாமையின் அறுவகைப் பருவமும் கொள்ளப்படும். இது¹ நெய்தற்கும் ஓக்கும்.

(9)
 

10. எற்பாடு ........................... தோன்றும்
  

நெய்தல் ஆதல் மெய்பெறத் தோன்றும்.
  

இது நெய்தற்றிணைக்குக் காலம் உணர்த்துதல் நுதலிற்று,
  

(இ-ள்)  எற்பாடு-எற்படுபொழுது, நெய்தல் ஆதல் மெய்பெற தோன்றும்-நெய்தற்றிணைக்குக் காலமாதல்
பொருண்மை பெறத் தோன்றும்.
  

எற்பாடாவது பகற்பொழுதின் பிற்கூறு                                                 (10)
 

நச்சினார்க்கினியர்
  

9. வைகறை விடியன் ................. தோன்றும்
  

இனிச் சிறுபொழுதே பெறுவன கூறுகின்றது.
  

இதன் பொருள் :- வைகுறு  விடியல்  மருதம் -  வைகறையும்  விடியற்காலமும் மருதமாதலும் எற்பாடு
நெய்தல் ஆதல் மெபெறத் தோன்றும்-எற்பாடுகாலம் நெய்தலாதலும் பொருள் பெறத் தோன்றும் என்றவாறு.
  

வைகுறுதலும் விடியலும் என்னும் உம்மை தொக்கு நின்றது.
  

செவியறிவுறுத்தலைச்  செவியறிவுறூஉ  (423)  என்றாற்போல  வைகுறுதலை  வைகுறு  என்றார்.  அது
மாலையாமமும் இடை

1. இது - அறுவகைப்பருவமும் கொள்ளப்படுதல்.