இனி, செவிலி தேடிச் செல்லுதற்குச் செய்யுள்:
|
“காலே பரிதப் பினவே கண்ணே
நோக்கி நோக்கி வாளிழந் தனவே,
அகலிரு விசும்பின் மீனினும்
பலரே மன்றஇவ் வுலகத்துப் பிறரே.” |
(குறுந் 44)
|
பாலைக்கலியில், “எறித்தரு கதிர்தாங்கி” எனும் பாட்டில்.
|
“வெவ்விடைச் செலல்மாலை ஒழுக்கத்தீர்! இவ்விடை என் மகள் ஒருத்தியும் பிறண் மகன் ஒருவனும்,
தம்முளே புணர்ந்த தாமறி புணர்ச்சியர்; அன்னார் இருவரைக் காணீரோ பெரும” எனுமடிகள்
சுரஞ்சென்ற செவிலியின் கூற்றாம்.
|
41. | அயலோ ராயினும் அகற்சி மேற்றே | (41) |
| |
ஆ. மொ. இல.
|
Even if they are in a place very near, it is to be
considered as separation.
|
இளம்பூரணர்
|
41. அயலோர்...............................மேற்றே.
|
இதுவும், பாலைக்கு உரியதோர் இயல்பு உணர்த்துதல் நுதலிற்று.
|
(இ-ள்) அயலோராயினும் - (சேரியினும் சுரத்தினும் பிரிதலன்றித்) தமது மனையயற்கண்
பிரிந்தாராயினும், அகற்சி மேற்றே - பிரிவின் கண்ணதே.
|
எனவே, ஓர் ஊரகத்து மனையயற்கண்ணும் பரத்தையிற் பிரிவு பாலையாம் என்பதூஉம்
உய்த்துணர்ந்து கொள்ளப்படும். (41)
|
நச்சினார்க்கினியர்
|
41. அயலோர்........................மேற்றே
|
இதுவும் பாலைக்கு ஓர் வேறுபாடு கூறுகின்றது.
|
(இ-ள்) அயலோர் ஆயினும் - முற்கூறிய சேரியினுஞ் |