தலைவன் தன் கண்ணே நிகழ்ந்த நிகழ்ச்சியை நினைதற்கு உதாரணம். “வேர் பிணிவெதிர” (நற்-62)
என்பது. தலைவி தன் கண் நிகழ்ந்த நிகழ்ச்சிக்கு உதாரணம் வந்தவழிக்காண்க. “யாருமில்லை தானே
கள்வன்” (குறுந்) என்பது காட்டுதல் சிறப்பின்று; தலைவன் தன்கண் செய்த செயலாக அது
அமைதலின்.
|
தலைவி கண் நிகழ்ந்ததைத் தலைவன் நினைத்தற்குச் செய்யுள் “அளி நிலை பெறாக
தமரியமுகத்தள்” (அகம்-5) என்பது. தலைவன் கண் நிகழ்ந்ததை அதாவது தலைவன் தன்னிடம்
நிகழ்த்தியதை நினைத்தற்குச் செய்யுள் “நுண்ணெழில் மாமை.............அறியேன் என்னும்” (கலி-4)
என்பது.
|
‘நினைத்தற்கு ஏதுவும் ஆகும்’ என்பதை நினைத்தற்கும் ஏதுவாம் என உம்மையைப்
பிரித்துக்கூட்டுக. உம்மையால் நினையாமையும் கொள்ளலாம். ஆதலின் அது எதிர்மறை.
நினைத்தலேயன்றிக் கூறுதற்கும் ஆம் எனக்கொள்ளும் நச்சினார்க்கினியர் கூற்றின்படி
எச்சவும்மையாகவும் கொள்ளலாம்.
|
47. | நிகழ்ந்தது கூறி நிலையலும் திணையே
| (47) |
ஆ.மொ.இல.
|
Expression of what once happened
also forms the theme of literature on
aspects of love.
|
இளம்பூரணர்
|
47. நிகழ்ந்தது...........திணையே.
|
இதுவும் அது.
|
(இ-ள்) நிகழ்ந்தது கூறி நிலையலும் திணை-முன்பு நிகழ்ந்ததனைக் கூறிப்போகா தொழிதலும்
பாலைத்திணையாம்.
|
“ஈன்பருந் துயவும் வான்பொரு நெடுஞ்சிணைப்
பொரியரை வேம்பின் புற்றி நீழற்
கட்டளை யன்ன வட்டரங் கிழைத்துக்
கல்லாச் சிறாஅர் நெல்லிவட் டாடும் |