எல்லாத்திணைக்கும் இச்சூத்திரம் பொதுவாகாது. எல்லாத் திணையிலும் பிரிவு உண்டு. எனினும்
குறிப்பிட்டு ஒரு திணையிற் சார்த்த வேண்டுமாயின் பாவையிலேயே சார்த்தப்படும்.
|
48. | மரபு நிலை திரியா மாட்சிய வாகி
விரவும் பொருளும் விரவும் என்ப. | (48) |
| |
ஆ.மொ.இல.
|
Without violating the traditional way of making
literature new additions may form the themes
of expression
|
இளம்பூரணர்
|
48. “மரபுநிலை திரியா....................என்ப”
|
இதுவும் அது.
|
(இ-ள்) மரபு நிலை திரியா மாட்சிய ஆகி விரவும் பொருளும் விரவும் என்ப மரபு-நிலை திரியாத
மாட்சிமை யுடையவாகி விரவும் பொருளும் விரவும் என்ப.
|
அஃதாவது பாலைக்கு ஓதிய பாசறைப் புலம்பற்கண்ணும் தேர்ப்பாகற்குக் கூறுதற்கண்ணும்,
முல்லைக்குரிய முதற்பொருளும் கருப்பொருளும் விரவுதலாம். 1இந்நிகரான பிறவுங் கொள்க.
|
மரபுநிலை திரியாமையாவது, பாசறைக்கண் வினை முடித்த வழிக் கார்காலம் வந்ததாயின் ஆண்டுக்
கூறும் கூற்று. அஃது அக்காலத்தைப் பற்றி வருதலின் மரபு நிலை திரியாதாயிற்று.
|
“வேந்து வினை முடித்த” என்னும் அகப்பாட்டினுள் (14) கண்டு கொள்க.
|
இன்னும் ‘மாட்சிய ஆகி விரவும்’ பொருளும் விரவும் என்றதனால் பாசறைக்கண் தூது கண்டு
கூறுதலும் தலைமகளை இடைச்சுரத்து நினைத்துக் கூறுதலுங் கொள்க.
|
1 இது பொருந்தாது திணைமயக்கமாதலின் நச்சினார்க்கினியரும் பாரதியாரும் கூறுவன பொருந்தும். |