அளவும் நிறையும் ஆகுபெயர் எனல்
 

என் - எனின், இன்னொருசார் ஆகுபெயர் உணர்த்தல் நுதலிற்று.

(இ - ள்.) அளவுப் பெயரினையும்  நிறைப்பெயரினையும் மேற்கூறிய
ஆகுபெயரோடு    கொள்ளுமிடங்கள்     உள   என்று   சொல்லுவர்
உணர்வுடையோர், (எ - று.)

(எ - டு.) நாழி  உழக்கு  என இவை  அளவுப்பெயர். ஈண்டு இதன்
பொருள் அதற்காயிற்றோ எனின்,  அளக்கப்பட்ட  பொருட்கண்  கிடந்த
வரையறைக்கண்  அப்பெயர்  பொருட்காயிற்று;   எனக்கொள்க.  தொடி,
துலாம் என்பன நிறைப்பெயர்: ஈண்டு வரையறைக் குணர்த்தினான் பெயர்
பொருட்காயிற்று என உணர்க.

மற்றிவை     ¹“கிளந்தவல்ல” என்னும் புறநடையுள்  அடங்காவோ
எனின், இவற்றை உலகத்தார்க்கும் பெயர்க்  குறிப்பு என்று  கொள்ளாது
அப்பொருட்குப்    பெயர்போலக்   கொண்டமையின்  வேறு  கூறினார்
எனக் கொள்க.                                           (34)

1.வேற்றுமை மயங்கியல், 35ஆம் நூற்பா.