னஃகான் றஃகான் நான்க னுருபிற்கு

னகார ஈற்றுச்சாரியைகட்குச் சிறப்பு விதி கூறுகின்றது.
 

பொருள் :னகரஈற்றுச்சாரியை     நான்கினும்   உள்ள  னகர ஒற்று,
நான்கனுருபு வருமிடத்து றகர ஒற்றாகத் திரியும்.
 

எ-டு :ஆவிற்கு, விளவிற்கு, கோஒற்கு, ஒருபாற்கு, அதற்கு எனவரும்.
 

இவ்விதி  னகர ஈற்றுச் சாரியை நான்கற்கும் உரியதாகலின்‘‘அளவாகும்
மொழிமுதல்’’ என்பதன் பின்வையாமல் வற்றுச் சாரியையின் பின்வைத்தார்.
ஆண்டுவைப்பின் இவ்விதி ‘‘இன்’’  சாரியை   ஒன்றற்கே செல்லுமாகலான்
என்க.