பொருள்: குறை என்னும் அளவுப் பெயர் மேற்கூறிய அளவைப் பெயர்களின்முன் வருமிடத்து, வேற்றுமைப் புணர்ச்சிக்குக் கூறிய இலக்கணத்தைப் பெற்றுச் சாரியை இல்லாத குறை தோன்றாமல் நிறைவு பெறத் தோன்றும்.
எ-டு: உரிக்குறை, தொடிக்குறை, காணிக்குறை, கொட்குறை, காற்குறை எனவரும். இவற்றையும் உம்மை விரித்துக் கொள்க. குறை என்பதன் பொருட்டாய் வரும் கூறு என்பதற்கும் இவ்விதி ஒக்கும். உரிக்கூறு எனவரும்.