பனையென் அளவும் காவென் நிறையும்

நினையுங் காலை இன்னொடு சிவணும்

பனை,    கா    என்னும்   அளவைப் பெயர்கட்குச் சிறப்புவிதி
கூறுகின்றது.
 

பொருள்: ஆராயுங்கால்    பனை    என்னும்  அளவுப்    பெயரும்
காவென்னும்  நிறைப்  பெயரும்  குறை  என்பதனொடு புணருமிடத்து இன்
சாரியையொடு பொருந்தி வரும்.
 

எ-டு:  பனையின்குறை,  காவின்குறை எனவரும். (பனையும் குறையும்;
காவும் குறையும் என்பன பொருள்)
 

‘‘நினையுங்காலை’’ என்றதனான் பனைக்குறை,காக்குறை என வேற்றுமை
இயற்கை நிறையத் தோன்றுதலும் கொள்க.