யாவென் வினாவும் ஆயியல் திரியாது
‘யா’ வென்னும் வினாப் பெயர்க்கும் அவ்விதி ஒக்கும்என்கின்றது.
பொருள்: யா என்னும் ஓரெழுத்தொரு மொழியாகிய ஆகார ஈற்றுவினாப்பெயரும் அவ்விலக்கணத்திற்றிரியாது வரும்.
எ-டு: யாவற்றை, யாவற்றொடு, யாவற்றுக்கு, யாவற்றின், யாவற்றது,யாவற்றுக்கண் எனவரும். இப்பெயர் சாரியை இன்றிவரின் பொருள்கவர்க்கும் ஆதலின் ‘திரியாது’ என வலியுறுத்தப் பெற்றதென்க.