யாவென் இறுதியும் சுட்டு முதலாகிய 

ஆய்த இறுதியும் அன்னொடு சிவணும்

ஆய்தங் கெடுதல் ஆவயி னான 

க-து:

பொருள்:  யாது       என்னும்       வினாப்பெயரின்    இறுதியும்,
சுட்டெழுத்துக்களை முதலாக உடைய ஆய்தத் தொடர்  மொழிக்  குற்றுகர
இறுதியும் அன்  சாரியையொடு  பொருந்தும்; அவ்வழிச் சுட்டுப்  பெயரின்
இடைநின்ற ஆய்தம் கெடுதல் வேண்டும்.
 

ஆய்தத்   ‘தொடர்மொழி’   இறுதி  என்பதும்  கெடுதல்  ‘வேண்டும்’
என்பதும் குறைந்து நின்றன.
 

எ-டு:  யாதனை, யாதனொடு  எனவும்,  அதனை, அதனொடு; இதனை,
இதனொடு;  உதனை,  உதனொடு  எனவும் வரும்.  ஏனைய  உருபொடும்
கூட்டிக் கொள்க.