யாமரக் கிளவியும் பிடாவும் தளாவும் 

ஆமுப் பெயரும் மெல்லெழுத்து மிகுமே  

ஒருசார் மரப்பெயர்கட்கு  வல்லெழுத்து  விலக்கி மெல்லெழுத்து
விதிக்கின்றது.
 

பொருள்: யா, பிடா, தளா  என்னும்  ஆகாரஈற்று மரப்பெயர்களாகிய
அம்மூன்று பெயர்களும் மெல்லெழுத்து மிக்குமுடியும்.
 

எ.டு: யாஅங்கோடு; பிடாஅங்கோடு; தளாஅங்கோடு, செதிள்,  தோல்,
பூ எனவரும்.
 

யா  என்னும்   வினாப்   பெயரை   நீக்குதற்காக   யாமரக்கிளவியும்
என்றார்.  உம்மையான்  ஏனையவும்   மரப்பெயர்கள்   என்பதைப்  பெற
வைத்தார்.