சூ. 26 :	அவற்றுள்
	ணனஃகான் முன்னர்க்
	கசஞப மயவ அவ் ஏழும் உரிய
(26)
க-து:	ணனக்களின் முன்னர்க் கசப என்னும் வல்லெழுத்தும் ஞம என்னும் மெல்லெழுத்தும் யவ என்னும் இடையெழுத்தும் மயங்குமென்கின்றது.
பொருள்:மேற்கூறப்பெற்ற ஆறனுள் ணகரனகரப்புள்ளிகளின் முன் மேற்கூறிய டகரறகரங்களேயன்றி ஒவ்வொன்றின் முன்னரும் கசஞபமயவ என்னும் ஏழு (உயிர்) மெய்யெழுத்துக்களும் தனித்தனியே வந்து அவற்றின் ஓசையொடு மயங்கற்குரியவாம்.

எ-டு:   வண்டு-வெண்சாந்து, வெண்ஞாண்,   நண்பன்,   உண்மை,
மண்யாப்பு-கண்விழி எனவும், புன்கம்-நன்செய், வின்ஞாண்,   அன்பன்,
நன்மை, மென்யாழ், பொன்வளை எனவும் வரும். இவற்றுள் வெண்சாந்து
என்றாற்போல   இருசொல்லாக      உள்ளவை     தொகைமொழிகளாம்.
முரண்டேய்ந்தது - மன்னன்றேறினான் - இறைவன்   செயல்    எனப்
புணர்மொழியுள்ளும் கண்டுகொள்க.