தேனென் கிளவி வல்லெழுத் தியையின்

மேனிலை ஒத்தலும் வல்லெழுத்து மிகுதலும்

ஆமுறை இரண்டும் உரிமையும் உடைத்தே

வல்லெழுத்து மிகுவழி இறுதி இல்லை

க - து:

பொருள் : தேன் என்னும் சொல், வல்லெழுத்து வந்து புணரின் மேற்
கூறியாங்கு  உறழ்தலும்,   மிகுதலும்   ஆகிய    அம்முறை   இரண்டும்
உரிமையுடையதாகும்.  அங்ஙனம்   வல்லெழுத்து  மிகுங்கால் னகர இறுதி
கெடும்.
 

எ. டு:  தேன்குடம் - தேற்குடம் எனவரும். சாடி, தூதை, பானை என
ஒட்டிக்  கொள்க.  தேக்குழம்பு,  சிதைவு,  தெளிவு,  பாளிதம்  எனவரும்.
மிகுதலும்   என்னும்  உம்மை  எதிர்  மறை.   அதனான்   தேன்குழம்பு,
தேன்சிதைவு, தேன்துளி, தேன்பாகு என இயல்பாதலே வலியுடைத்தென்க.