சூ. 407 :	அவற்றுள்,
	ஈரொற்றுத் தொடர்மொழி இடைத்தொட ராகா
(2)
க-து :	தொடர்மொழி ஐந்தனுள் வல்லெழுத்தும் மெல்லெழுத்தும் யரழக்களை அடுத்து வருங்கால் எய்தும் ஐயம் நீக்குகின்றது.
பொருள்: மேற்கூறியவற்றுள் இடையெழுத்துக்கள் வல்லெழுத்தையும் மெல்லெழுத்தையும் தொடர்ந்து ஈரொற்றாய் நிற்கும் தொடர்மொழி இடைத்தொடராகா. வன்றொடராகவோ, மென்றொடராகவோ ஆகும்.
எ - டு: வாய்ப்பு, ஈர்க்கு, காழ்ப்பு - இவை வன்றொடர்.

மொய்ம்பு எனவும் ஆர்ந்து, சூழ்ந்து எனவும் வரும். இவை
மென்றொடர். எனவே சார்பு, உல்கு, வெய்து, போழ்து, தெள்கு என
இடைத்தொடர் ஓரொற்றாயே வரும் என்பதாயிற்று. வகரம் வல்லொற்றொடு
மயங்காமையின் இடைத்தொடர் மேற்கூறிய ஐந்துவகையாகவே வரும் என
அறிக.