சூ. 426 :	வல்லொற்றுத் தொடர்மொழி வல்லெழுத்து மிகுமே	(21)

க-து:	வன்றொடர் மொழி அல்வழிக்கண் புணருமாறு கூறுகின்றது.
பொருள்: வன்றொடர்க் குற்றியலுகர ஈறு அல்வழிக்கண் வல்லெழுத்து வருவழி மிக்குப் புணரும். அல்வழி என்பது அதிகாரத்தான் வந்தது.
எ-டு: கொக்குக்கடிது, சிறிது, தீது, பெரிது எனவரும். இனிக் கற்றுக் கொண்டான், உய்துச் சென்றான் என வினையெச்சத்தின் கண்ணும், மற்றுச்சொல்நோக்காது என இடைச்சொற்கண்ணும் சிவப்புக்காந்தள் என உரிச்சொற்கண்ணும் மிக்கது. சிவப்பாகிய காந்தள் எனப் பண்புருபு விரித்துக் கொள்க.