தம்மியல் கிளப்பின் எல்லா எழுத்தும்

மெய்ந்நிலை மயக்கம் மான மில்லை 

க-து:

பொருள்:  மேற்கூறிய மெய்களின்   தன்மை   பற்றிய   இலக்கணங்
கூறுமிடத்துப் பதினெட்டு எழுத்துக்களும்  நூன்மரபிற்  கூறியாங்கு நிற்கும்
நிலையின் மாறுபடுதல் குற்றமில்லை.
 

எ-டு: 

இவற்றுள்  ளகரப்புள்ளியொடு  இணைந்து   நிற்றற்கேலாத   லகரமும்,
னகரப்புள்ளியொடு நிற்றற்கேலாத  டகரமும்  தம்மை  உணர்த்த  வந்தவழி
இணைந்து நிற்குமாறு கண்டுகொள்க.
 

மானம் என்பது  மன்  என்னும்  இடைச்சொல்லடியாகப்  பிறந்தசொல்.
(மன்"மான்  +  அம்  =  மானம். மன்  =  கழிதல்"  போக்குதல்)  இதனை
ஆனம்   எனப்பிரித்து    அஃது    ஹானம்    என்னும்   வடமொழித்
திரிபெனமயங்குவாரும் உளர்.
 

இச்சூத்திரம்   மெய்யெழுத்துக்கள்      மயங்கி     (கூடி)    நிற்கும்
நிலைபற்றியதெனினும் ‘‘அவற்றுள் லளகான் முன்னர்’’ எனவும்  ‘‘இயையின்
டகாரமாகும்’’  எனவும்  தனிமெய்களின்  இயல்பைத்  தொடர்மொழிகளாற்
கூறுமிடத்து எடுத்துக்கொண்ட  மெய்கள்  எழுவாய்  முதலியவாக  ஆகிக்
குறித்துவருகிளவியாகப்  புணர்தலின்  அவை  மொழிநிலைமை   எய்துதல்
நோக்கி ஈண்டு வைக்கப்பட்டதென்க.