சூ. 51 :	செய்யு ளிறுதிப் போலி மொழிவயின்
	னகார மகாரம் ஈறொற் றாகும்
(18)
க-து:	ஒருமொழிக்கு இடையேயன்றி ஈற்றினும் ஈரொற்றுக்கள் இணைந்துவரும் என்கின்றது.
பொருள்: செய்யுள்வழக்கின்கண் போலி மொழிவயின் னகரமும் மகரமும் இணைந்து இறுதிக்கண் ஈரொற்றாக வரும்.
எ-டு: ‘‘திசையறி மீகானும் போன்ம்’’ எனவும் ‘‘பெருங்கல்லாடரும் போன்ம்’’ எனவும் வரும். ஈண்டுக்கூறியது போலும் என்னும் இடைச்சொல் என்பது விளங்கப் போலி மொழிவயின் என்றார். இதனை ‘‘ஒப்பில் போலியும் அப்பொருட் டாகும்’’ (இடை - 30) என்பதானறிக. செய்யுளுள் எனவே இது விகாரவகையான் அமைந்த சொல் என்பதும் புலனாகும்.

போலும் என்னும் இவ்விடைச்சொல் வடிவத்தான் ‘‘செய்யும்’’ என்னும்
முற்றுப்போறலின்,   செய்யுமென்னும் முற்று வாய்பாட்டான் வரும் பிற
சொற்களும்   விகாரப்பட்டு    ஈரொற்றாய்     இறுதிக்கண்    வருதலை
‘‘உரையிற்கோடல்’’ என்னும் உத்தியாற்   கொள்க. எ-டு மருளினும்
எல்லாம் மருண்ம், கட்சியுட் காரி கலுழ்ம் எனவரும்.