சூ. 156 :	சொல்லிய கிளவி அறிவர்க்கும் உரிய
(13)
க - து :	கற்பின்கண் அறிவர் கூற்று நிகழுமாறு கூறுகின்றது.
பொருள் : மேற்கூறிய கிளவிகள் செவிலிக்கேயன்றி அறிவர்க்கும் உரியவாகும்.
எ - டு :	தற்காத்துத் தற்கொண்டாற் பேணித் தகைசான்ற
	சொற்காத்துச் சோர்விலாள் பெண்
(குறள்-55)
	மனைத்தக்க மாண்புடைய ளாகித்தற் கொண்டான்
	வளத்தக்காள் வாழ்க்கைத் துணை
(குறள்-51)
இவை நல்லவை யுரைத்தல்.
எறியென்று எதிர்நிற்பாள் கூற்றம் சிறுகாலை
அட்டிற் புகாதாள் அரும்பிணி - அட்டதனை
உண்டி உதவாதாள் இல்வாழ்யேய் இம்மூவர்
கொண்டானைக் கொல்லும் படை
(நாலடி-363)
இஃது அல்லவை கடிதல்.