சூ. 123 :	தோழியின் முடியும் இடனுமா ருண்டே
	(31)
க - து :	களஞ்சுட்டுதல் தோழிக்கு முரித்தாகும் என்கின்றது.
பொருள் : தாமே தூதுவராம் நிலை கடந்த தோழியிற் புணர்வின்கண் களஞ்சுட்டுதல் தோழியின் முடிதலும் உண்டு.
இடம் என்றது பாங்கியாற் கூடும் கூட்டத்தை உணர்த்தி நின்றது. உம்மையான் தோழியிற் புணர்வின்கண்ணும் தலைவி இடஞ்சுட்டுதல் உண்டென்பது பெறப்படும்.
எ - டு :	"செவ்வீ ஞாழற் கருங்கோட் டிருஞ்சினை"
என்னும் அகப்பாட்டினுள் (240) . . . . வண்டுபட
	விரிந்த செருந்தி வெண்மணல் முடுக்கர்ப்
	பூவேய் புன்னையந் தண்பொழில்
வாவே தெய்ய மணந்தனை செலற்கே எனத்தோழி களஞ்சுட்டியவாறு காண்க.