| சூ. 206 : | தன்வயிற் கரத்தலும் அவன்வயின் வேட்டலும் |
| அன்ன இடங்கள் அல்வழி யெல்லாம் |
| மடனொடு நிற்றல் கடனென மொழிப |
(10)
|
க - து : | இது தலைவி மடனொடு நிற்குமிடமும் மடனழிய நிற்குமிடமும்
இவை எனக் கூறுகின்றது. ‘தலைவி’ என்பது அதிகாரத்தான்
வந்தது.
|
பொருள்: தலைவன் புறத்தொழுக்கத்தைத் தலைவியிடத்து மறைத்து
உரைத்தலும், தலைவனது கூட்டத்தைத் தலைவி விரும்புதலும் ஆகிய
அந்நிலைமையல்லாத மற்ற இடங்களிலெல்லாம் தலைவி
மடப்பத்தையுடையளாகி நிற்றல் கடப்பாடு என்று கூறுவர் நூலோர்.
|
எனவே அவ் ஈரிடத்தும் மடனழிய நிற்பாள் என்பதாயிற்று. மடனழிவு
என்றது தலைவன் கொளுத்துவன கொள்ளாமல் அவற்றை மாறுபட
எண்ணியுறழ்தலாம்.
|
| எ - டு : | "யாரைநீ எம்மில் புகுதர்வாய்" என்னும் மருதக் கலியுள்
(98) தலைவன் "வையை வருபுனல் ஆடத் தவிர்ந்தேன்"
|
என்றவழி
|
| ஒ! புனலாடினாய் எனவும் கேட்டேன் புனலாங்கே |
| நீள்நீர் நெறிகதுப்பு வாரும் அறலாக |
| மாண்எழில் உண்கண் பிறழும் கயலாக |
| கார்மலர் வேய்ந்த கமழ்பூம் பரப்பாகம் |
| நாணுச் சிறையழித்து நன்பகல் வந்தஅவ் |
| யாணர்ப் புதுப்புனல் ஆடினாய் முன்மாலை |
| பாணன் புனையாகப் புக்கு"
|
எனத் தலைவனது புறத்தொழுக்கத்தை எள்ளி உரைத்தமை காண்க.
|