வண்ணம் பசந்து புலம்புறு காலை

உணர்ந்தது போல உறுப்பினைக் கிளவி

புணர்ந்த வகையாற் புணர்க்கவும் பெறுமே

க - து :

பொருள்:தலைவி   தன்மேனி  வனப்புத்திரிந்து  தனிப்படர்  உறும்
காலத்துத்   தனது    நிலையைத்   தனது    உறுப்பு     ஒவ்வொன்றும்
உணர்ந்துள்ளமைபோல அதற்குப் பொருந்திய வகையாற் புனைந்து கூறவும்
பெறும்.
 

தணந்தமை சால அறிவிப்ப போலும்

மணந்தநாள் வீங்கிய தோள்

நாணில மன்றஎம் கண்ணே நாண்நேர்பு

சினைப்பசும் பாம்பின் சூல்முதிர்பு அன்ன

கனைத்த கரும்பின் கூம்புபொதி யவிழ

நுண்ணுறை அழிதுளி தலைஇய

தண்வரல் வாடையும் பிரிந்திசினோர்க் கழலே

"புணர்ந்த வகையான்" என்றதனான்  அவை செயற்படுவன போலக் கூறலும்
கொள்க.
 

கண்ணுங் கொளச்சேறி நெஞ்சே இவைஎன்னைத்

தின்னும் அவர்க்காண லுற்று

உம்மையான் உறுப்பொடு தொடர்புடையவற்றைக் கூறலும் கொள்க.
 

தண்ணந் துறைவன் தணந்தமை நம்மினும்

முன்னம் உணர்ந்த வளை