(இ - ள்.) மயில்போன்ற மென்மையினையுடைய மகளை வேண்டிய மூட்டுவாயிற் சிறந்த வீரக்கழலினையுடையான் முறைமையைச் சொல்லியது எ-று.

(வ - று.)
அந்தழை யல்குலு மாடமை மென்றோளும்
பைந்தளிர் மேனியும் பாராட்டித்-தந்தை
புறமதில் வைகும் புலம்பே தருமே
மறமதின் மன்னன் மகள்.

(இ - ள்.) அழகிய ¹தழையாற் சிறந்த நிதம்பத்தினையும் அசையும் மூங்கில்போன்ற மெல்லியதோளினையும் பசுந்தளிர்போன்ற நிறத்தினையும் கொண்டாடித் தமப்பனுடைய மதிற்புறத்துத்தங்கும் தனிமையையே கொடா நிற்கும்; வீரமே தனக்குப் புரிசையாகவுடைய வேந்தனிடத்து மகள் எ-று.