(இ - ள்.) விளர்த்த கொம்பினையுடைய யானையை எறிந்து பறந்தலையிற் பட்டார்க்கு யாழ்வாசிக்கும் கைத்தொழிலில் வல்ல பாணர் உரிமைசெய்தது எ-று.

(வ - று.)
தளரிய றாய்புதல்வர் தாமுண ராமைக்
களரிக் கனன்முழங்க மூட்டி - ¹விளரிப்பண்
கண்ணினார் பாணர் களிறெறிந்து வீழ்ந்தார்க்கு
விண்ணினார் செய்தார் விருந்து .

(இ - ள்.) தளர்ந்த இயல்பினையுடைய தம் மனைவி தாய் சிறுவர் இவர் தாம் போர்க்களத்துப் பட்டவாறு அறியாமையாற் பறந்தலையிலே நெருப்பை முழங்கமூட்டிச் சாப்பண்ணைப் பாடக்கருதினார் பாணர் , யானையை எறிந்து பட்ட வீரர்க்கு; துறக்கத்துள்ளார் விருந்திடுதல் செய்தார் எ-று.