(இ - ள்.) தபோதனவேடத்தர் புண்ணியத்தோடு தழுவி ஒழிதலுணராத நடையைச் சொல்லியது எ-று.

(வ - று.)
¹நீர்பலகான் மூழ்கி நிலத்தசைஇத் ²தோலுடீஇச்
சோர்சடை தாழச் சுடரோம்பி-ஊரடையார்
கானகத்த கொண்டு கடவுள் விருந்தோம்பல்
வானகத் துய்க்கும் வழி.

(இ - ள்.) நீரிலே ³பலகால்முழுகி வெறுநிலத்துச்சாய்ந்து மான்றோலைப் புடைவையாகவுடுத்து நெகிழ்ந்தசடைவீழத் தீயைப்பரிகரித்துப் பதியிடத்து அணையாராய்க் காட்டிலுள்ள சாகமூலபலங்களைக் கைப்பற்றித் தெய்வத்தினையும் விருந்தினையும் போற்றுமது,சுவர்க்கத்துத் தம்மைச் செலுத்தும் நெறி எ-று.