(இ - ள்.) மனம் விரும்பச் சினமன்னன் போர்க்களத்தைக்கொண்ட மிகுதியைச் சொல்லியது எ-று.

(வ - று.)
¹ஏந்துவட் டானை யிரிய வுறைகழித்துப்
போந்துவாண் மின்னும் பொருசமத்து - வேந்தர்
இருங்களி யானை யினமிரிந் தோடக்
கருங்கழலான் ²கொண்டான் களம் .

(இ - ள்.) ³உயர்ந்த வாட்சேனை உடையும்படி கூட்டை நீக்கப் பட்டுப்போந்து வாள் இலங்கும் பொராநின்றபூசலிடத்துப் பகைமன்னருடைய பெரிய மத்தவாரணத்திரள் கெட்டோட வலிய வீரக்கழலினை யுடையான் கைக்கொண்டான், போர்க்களத்தை எ-று.