(இ - ள்.) வண்டு பரக்கும் பூவினையுடைய சோலையிடத்து ஒளிவேற்காளை கறுத்த பெருத்த கண்ணினையுடையாளைக் கண்டு விரும்பியது எ-று.

(வ - று.)
¹கருந்தடங்கண் வண்டாகச் செவ்வாய் தளிரா
அரும்பிவர் மென்முலை தொத்தாப் -பெரும்பணைத்தோட்
பெண்டகைப் பொலிந்த பூங்கொடி
கண்டேங் காண்டலுங் களித்தவெங் கண்ணே.

(இ - ள்.) கருமையும் பெருமையுமுடைய விழி சுரும்பாகச் சிவந்த வாய் தளிராக அரும்புபோன்ற மெல்லிய முலை தொத்தாகப் பெரிய மூங்கில் போன்ற தோளாலும் பெண்மைத்தன்மையாலும் அழகுபெற்றதோர் மலர்வல்லியனையாளை நோக்கினோம்; நோக்கினேமாக, மகிழ்ந்தன எமது விழிகள் எ-று.