(வ - று.)
பாய்ந்து மெறிந்தும் படிந்தும் பலகாலும்
காய்ந்தும்வாய்க் கொண்டுங் ¹கடுஞ்சேவல் - ஆய்ந்து
²நிறங்கண்டு வித்தகர் நேர்விட்ட கோழிப்
புறங்கண்டுந் தான்வருமே போர்க்கு .

(இ - ள்.) எழப்பாய்ந்தும் காலின் முள்ளை யிட்டிடித்தும் தாழ்ந்தும் பலகாலும் கோவித்தும் ³கூவியும் , கடிய சேவற்கோழி , ஆராய்ந்து கோழிகளின் நிறமறிந்து கோழிநூல்வல்லவர் சொல்லுக்குச் சொல் ஒப்பாகவிட்ட கோழியைப் புறங்கண்டும் தான் பின்பும் போர்க்கு வாரா நின்றது எ-று.

புறங்கண்டும் போர்க்கு வரும் .

சொல்லுக்குச் சொல் வெல்லும் , ஆமைக்கு ஆமை வெல்லும் , தெங்குக்கு தெங்கு வெல்லும் எனக் கோழிகளின் ⁴நிலமறிந்துவிடுதல் . வித்தகர் - கோழிநூல் வல்லவர் .